Daginn!

hér með tilkynnist flutningur minn! ég er búin að fá uppí kok og rúmlega það af þessu blogspot kerfi. Átti einna erfiðast með að þola það að geta ekki sett inn blogg sem ég var búin að skrifa vegna þess að það var alltaf eitthvað "network error" eitthvað bull. Þannig að ég hef flutt mig um set og slóðin á nýju síðuna sem mun innihalda fersk blogg og myndir frá Kárahnjúkum í sumar er semsagt;


www.hildueva.bloggar.is

Þessi síða hefur sungið sitt síðasta. Amen fyrir bleiku fallegu síðunni minni. Blessuð sé minning hennar.

Ég held að þessi bloggsíða sé að reyna að segja mér eitthvað. Eins og til dæmis það að ég eigi að hætta að blogga. Það nefnilega þannig að ég get ekki ekki "póstað" bloggunum sem ég er kannski búin að leggja heilmikla vinnu í. Oft þarf ég að bíða í svona 3-4 daga til að geta sett blogginn inná síðuna en þegar mér loksins tekst það þá eru bloggin orðin úrelt...Ég er eiginlega að verða alveg gráhærð á þessu bloggkerfi.

Helgin var alveg ótrúlega skemmtileg...ballið með Von var snilld og já, þessir páskar voru þrátt fyrir allt alveg mjög skemmtilegir:)

En allavega, ég er búin að finna draumabílinn minn...Hann er í alvöru ALLT sem ég vil...nema reyndar ekki svona 4x4, en það verður að hafa það. Held að ég sé ekkert að fara að finna lítinn, eyðslugrannan, sætan gellubíl sem er fjórhjóladrifinn. Þannig að Peugotinn var fullkominn...Nema hvað að eigandinn neitaði að fara neðar í verði en 950 þús. Og ég vil ekki sjá það, ég á engan 950 þúsund krónur. En ég veit ekki sko...langar það mikið í hann að kannski ég uuu...framkvæmi nokkrar reddingar þannig að hann verði minn. Öll framlög eru vel þegin..þá megiði kannski eiga part í bílnum, bensínslokið eða helming í mottu;)
Þannig að ég er í fílu í dag...Eða neinei...reyndar ekki, bara pirruð á gráðugu fólki.

Ég er ekki að fara að vinna í dag sem er virkilega jákvæður hlutur..hefði alveg viljað eyða deginum í að renna inná akureyri og sækja bílinn SEM mig langar svo í...En maður fær ekki allt sem maður vill. Eða jú kannski-ég get fengið það sem ég vil..í bílamálinu allavega...en það mun kosta allar mína peninga! Ég er svo óákveðin manneskja.

Jæja gullin mín, vona að þið hafið það gott í dag...Mmm...frí á morgun;)

Viti menn, það skein sól!
Ójá, sólin lét sjá sig á Húsavíkinni í gær. Og af því tilefni ákvað ég að skella mér í sund, sem er kannski ekki frásögu færandi nema vegna þess að ég fer helst ekki oft í sund og líka af því að laugin var tóm þegar ég fór í sund. Já, sundlaugin á Húsavík var mannlaus, nema náttla fyrir einn starfsmann, Trausta frænda. Mér leið eins og söguhetjunni Palla, í sögunni Palli er einn í heiminum. Reyndar fannst mér helvíti fínt að hafa sundlaugina útaf fyrir mig;)

Kannski var það sólin sem olli því að ég komst í ljómandi sumarskap í gær, og arkaði út í nýju svörtu netaskónum mínum og labbaði á þeim niðrí sundlaug. Sólin skein, það var alveg logn, heiðskýrt og já, alveg 7 stiga hiti..alveg þónokkuð gott;) Sumar/sólskins skapið mitt fór reyndar fljótt þegar ég var orðinn mígandi blaut í fæturnar af því að helvítis snjórinn, sem ég gleymdi að reikna með þegar ég skellti mér í skóna góðu var búin að bleyta skóna og fæturna á mér í gegn.
En að lokinni þessari hrakningaför minni niðrí sundlaugina komst ég að því að engin var í lauginni og það dugði til að gleðja hjartað mitt;)

Þórdís skvísan er 9 ára á morgun og í tilefni af því er vinkona hennar sem býr á Akureyri hjá henni í gistinu. Þær voru að semja dans áðan um Ínu, það var alveg stórkostlegt..."Áfraaaam Ína, idol idol idol". Ég átti pínu erfitt með mig meðan þær frumfluttu dansinn fyrir mig og mömmu. En málið með dansinn um Ínu var að það var engin tónlist undir dansinum..nema öskrin í þeim. Ég spurði þær af hverju þær gerðu ekki bara dans við Spice girls eða eitthvað. Sagði þeim svo að þegar ég hefði verið lítið hefði það verið það skemmtilegasta að semja dansa við Spice girls. Það var aðalsportið. Þórdís sagði þá, "Nei, það er svo erfitt". Erfitt hvað..ekki var maður að flækja þetta, ég fékk að vera Emma, Halla var Geri og einhver dökkhærð með axlarsítt dökkt hár var Victoria...

Í framhaldi af þessum pælingum mundi ég eftir mér og Höllu í stofunni í Laugarbrekku 14. Þá var teppi á stofunni og við fórum ferð eftir ferð á hjóla og línuskautum og botnuðum við lagið; It's so easy to fall in love" með Lindu Rondhstad. Snúningarnir hjá okkur hjá stigahandriðinu voru rosalegir.

Þegar draumaprins allra stúlkna, hann Gísli Hrafn flutti í Laugarbrekkuna breyttist allt..hehe. Þá voru það ekki lengur dansarnir sem blívuðu, neibb, við byrjuðum að stunda leikina á fulllu, þ.e.a.s að Eina króna, Fallin spýta og það allt;) Og auðvitað var ávallt spurt eftir Gísla, hvort að hann vildi kannski vera með í leikjum. Haha, held að greyið hafi sagt já í svona 5 skipti á móti svona 30 skiptum sem við spurðum eftir honum. Hahaha...Talandi um Gísla samt, held að ég hafi séð hann í Reykjavík á föstudaginn...er samt ekki viss, sá hann bara í næsta bíl á ljósum. Hahaha, hann horfði skringilega á mig líka, kannski af því að hann kannaðist við mig (núna geng ég út frá því að þetta hafi verið hann) eða kannski horfði þessi strákur á mig, af því að þessi stelpa sem hann þekkti ekki neitt starði á hann (miðað við að þetta hafi ekki verið hann).

Nóg um gamla draumaprins allra Laugabrekkustúlknanna...Ég er ótrúlega bissý í bakstrinu fyrir afmælið hjá dísinni, má eiginlega ekki vera að þessu...Langaði bara aðeins að tjá mig...Vona að þið hafið það gott í sólinni....

Ég passaði mig ótrúlega á að gera engar stafsetningarvillur Björn Hákon...Vona að þú virðir það við mig ef svo óheppilega vildi til að hér leyndust einhverjar slíkar;)

Rice kripísið bíður eftir mér..þarf að fara að græja, oh hvað ég ætla að fá mér líka!

Núna er ég búin að reyna og reyna að setja inn blogg sem ég skrifaði í gær en þetta bara vill ekki virka. Og þetta er að gera mig brjálaða...ÞOLI þetta ekki, ég lendi alltof oft í þessu. Kerfið neitar bara að virka! Segir alltaf að þetta sé "lost network connection". Núna ætla ég í staðinn bara að setja inn nokkrar myndir. Athuga hvort að það vill virka fyrir mig.

Halló elskurnar mínar!
Laugardagskvöld og ég er í Reykjavík en sit heim í tölvu..haha, er bara að bíða eftir að Valtýr komi heim svo að ég geti farið að sofa.

Já...Úrslitin í Idol voru sumsé kunngjörð í gær og verð ég að segja að ég er alveg þónokkuð sátt svona, þó að ég muni aldrei nokkurn tímann verða sammála því að Snorri sé betri söngvari.
Erna Jóna kom um helgina, og lítur allt út fyrir það að krakkarnir hafi verið með samsæri,en það var svo æðislegt að sjá hana og hitta. Trúði því varla að hún væri hérna á klakanum:) ótrúlega gaman!

Ég er nú búin að gera eitthvað minna af mér í borginni, fór einmitt í Smáralindina í dag og ég get sko sagt stolt frá því að ÉG KEYPTI EKKI NEITT! heyriru það Arna Rún?;) ég get nefnilega sparað, á það til þegar ég sé ekkert flott.

Hildur sem er svo klár á umferðarljósunum er búin að keyra eins og herforingi útum alla Reykjavík í dag og er mér bara búiðað ganga ljómandi vel að keyra hérna, ég sem fékk hnút í magann bara af tilhugsuninni! En svo kemur í ljós að þetta er ekkert svo hræðilegt eins og maður heldur, maður verður eiginlega bara að drífa í að prófa þetta, svo að maður verði ekki búin að mikla þetta allt fyrir sér!:)

Guð minn góður..sat og horfði á sjónvarpið áðan, Sirkus nánar tiltekið sem sumum finnst skemmtilegra en öðrum;) Allavega, ég horfði fyrst á þáttinn Bikínimodel Íslands 2006...og þvílíkt kjaftæði! þetta er bara kópi-peist af Americas next topmodel, nema bara miklu hallærislegra því stelpurnar sem eru í þessu vita EKKERT hvernig þær eiga að vera...þetta er geðveikt vandræðalegt og já, kjánlegt. Allavega fékk ég hvern bjánahrollinn á fætur öðrum.

Ekki tók skárra við þegar umræddur sjónvarpsþáttur fyrrvernndi Herra Íslands, Óla Geirs og bróður hans, Splash byrjaði. Þvílikt rugl...og já, þetta var einmitt ótrúlega óundirbúinn þáttur, og Óli Geir leit út fyrir að vera nývaknaður eftir þriggja daga fyllerí eða eitthvað. Nei kannski ekki alveg, en myglaður var hann og einnig var eins og að hann nennti alls ekki að vera þarna. Ég er alveg mjög oft frekar drusluleg, en ég er þá bara heima hjá mér en ekki í sjónvarpi fyrir framan alþjóð(Reyndar bara Reykjavík í þessu tilviki).

En allavega, ég er farin að sofa..förum heim á morgun og er ég orðin þónokkuð spennt að komast heim í rólegheitin;)

*Góða nótt*

Jæja..Fimmtudagur í dag, vikan er endalaust fljót að líða! Kannski einum of fljót, ég er allavega ekki búin að ná að gera allt sem ég hefði viljað gera í þessari vikunni.

Veðrið virðist bara versna og versna...Smá áhyggjur eru farnar að gera vart við sig hjá mér, ég sem nánast hló bara að Hörpu þegar hún var að segja að kannski kæmumst við bara ekkert til Reykjavíkur á idolið. En ég ætla að biðja bænirnar í kvöld og biðja guð um að láta veðrir skána svo að flugvélin komist heilu og höldnu til höfuðborgarinnar;)

Ég man samt, þegar ég var yngri, að þá bað ég til guðs öll kvöld og fór með bænirnar mínar, sem voru á tímabili einhverjar fjórar eða fimm. Faðirvorið, Vertu guð faðir faðir minn, SItji guðs englar, Jesús er besti vinur barnanna og ég veit ekki hvað og hvað!
Ég bið aldrei bænir lengur...Skrítið og svoltið sorglegt hvernig maður "fullorðnast" uppúr því. Amma kenndi mér líka þegar ég var "lítil" að ég ætti alltaf að signa dyrna á herberginu sem ég svæfi í, því það myndi hindra það að illir andar kæmu inní svefnherbergið. Og eftir það fannst mér ég aldrei vera "seiv" fyrr en ég væri búin að signa mig og dyrnar.
En ef eitthvað bjátar á í lífinu, þá er stundum gott að biðja, til dæmis gerði ég það þegar langaafi dó..ég veit ekki hvað það er, en það er einhver ró sem maður finnur. Ég er samt ekki eitthvað ótrúlega kristin, finnst guð oft ekki vera til þegar ungt fólk deyr eða eitthvað kemur uppá.

Eeen nóg um guð;) Arna Rún er farin til Englands, og ég er einmitt að fara í sögu á eftir, ég á eftir að vera Svo mikið regnbogabarn þar, af því að ég get ekki blaðrað við Aaron skiptinema í heilann klukktíma. Kannski gæti ég líka bara tekið uppá því að hlusta og fylgjast með. Já, held að ég geri það bara;)

Spurning dagsins: Ætlar fólkið á idolið?
Heimasíða dagsins: www.unnur.bloggar.is
Manneskja dagsins: Pabbi fyrir að nenna að skutla lötu dóttur sinni í skólann.

En allavega, ætla fara að skoða hugtök og spurningar fyrir félagsfræðiprófið sem er á eftir og ég nennti ekki að læra fyrir í gær!
Vona að dagurinn ykkar verði góður:)

Snilli mánaðarins*: Aldey

*Rass Mánaðarins: hm...I wonder?

*Yndi mánaðarins*: Þórdís Ása

Mest æðislegasta og fyndnasta manneskja mánaðarins og bara alltaf: arna rún

**Skemmtilegust mánaðarins*: haha Sirrý þýsku og þjó kennari.


*kærasti manaðarins*: Uuu..ég á erfitt með að svara þessu þar sem að ég á engann


*æðislegastur/ust mánaðarins*: Harpa fyrir að senda mér öll lögin með íNu:)

*Hár mánaðarins*: Jóna Dagmar

*PeRFECKT mánaðarins*: Valtýr bróðir

Best/bestur mánaðarins : Sonni og Ásgeir Þór

Flippari Mánaðarins: ég, unnur, hulda og arna.

Par mánaðarins: Aldey og Halldór

Pæja Mánaðarins: Hulda

Proffi mánaðarins: Ég..búin að vera geggjað dugleg;) og svo við arna líka að gera sögu ritgerðina.

Krúttlegust/astur: útlendingurinn sem bað mig um að kenna sér íslensku

Sportisti mánaðarins: Arna Rún

bestu vinkonur/vinir mánaðarins: Arna Rún, Unnur og Hulda.

Afmælisbörn í apríl: Birta Marín, Halla Marín og Þórdís systir.

Ömulegust/legastur mánaðarinns: engir

Bjútífúl mánaðarins: Aaron skiptinemi

Dúlla mánaðarins: Halldór frændi

leiðinlegastur Mánaðarins: uuu...eiginlega enginn

Stuðboltinn: Haha Unnur

Lag mánaðarins: Spider's web með Katie Melhua

Fallegasta barn mánaðarins: Björgvin Steinar

Djammari mánaðarins... : Harpa Ásgeirs, ávallt hress

Sakna mest mánaðarins: Ernu, Höllu, Þórveigar og Ínu.
*Heimasíða mánaðarins*: að sjálfsögðu www.hildurevag.blogspot.com ;)